ရေညှိထမင်းလိပ်ဆိုတာ ပါဝင်တဲ့ပစ္စည်းတွေ များပေမယ့် လုပ်ရတာ တအားလက်ဝင်တဲ့ စားစရာတစ်ခုတော့မဟုတ်ပါဘူး။ အိမ်မှာပဲ လွယ်လွယ်ကူကူ လုပ်စားလို့ရပါတယ်။ ဒါ့အပြင် ကိုရီးယား ရေညှိထမင်းလိပ်မှာ ရေညှိ၊ အသီးအရွက်နဲ့ အသား အစုံအလင် ထည့်စားလို့ရပါတယ်။ 

ကဲ ...ဒါဆိုရင် လုပ်ဖို့အတွက် ဘာတွေလိုလဲ ကြည့်လိုက်ရအောင် …. 

ပါဝင်ပစ္စည်းများ 

• ရှလကာရည် - ၃ ဇွန်း
• သကြားရည် - လက်ဖက်ရည်ဇွန်း ၁ ဇွန်း ခွဲ
• ဆား - လက်ဖက်ရည်ဇွန်း ၁ ဇွန်း
• ရေညှိဖတ် - ၅ ဖတ်
• သခွားသီး - ၁ လုံး(အချောင်းရှည်လေး တွေလှီးထားပါမယ်) 
• မုန်လာဥနီ - ၁ လုံး(အခွံခွာပြီး ခြစ်နဲ့ချစ်ပါ အချောင်းလေးတွေရအောင်)
• ချိစ် - စားပွဲဇွန်း ၃ ဇွန်း
• ကြက်ဥ - ၂ လုံး
• ကြက်အူချောင်း - ၃ ချောင်း
• မရောနိစ် - စားပွဲဇွန်း ၅ ဇွန်း
• နှမ်းဆီ - စားပွဲဇွန်း ၁ ဇွန်း

ပြုလုပ်နည်း 

• ဒယ်အိုးထဲသို့ နှမ်းဆီထည့်ပြီး မီးမျှင်မျှင်လေးနဲ့မုန်လာဥနီကို အနည်းငယ်နူးရုံလေး ဆီပူနဲ့လှိမ့်ပေးပါ။
• ကြက်ဥကို လေးတောင့်ဒယ်အိုးထဲ ထည့်ကြော်ပါ။ပြီးလျှင် အအေးခံပြီး အချောင်းလေးတွေလှီးထားပါ။
• ထမင်းကို ထမင်းနယ်ရန် ပစ္စည်းများနဲ့နယ်ပါ။ ထမင်းစီးလာပါလိမ့်မယ်။
• ထမင်းလိပ်ရန် ဝါးရင်းလိပ်လေးလိုပါတယ်။ဝါးရင်းလိပ်လေးကိုခင်းပြီး ရေညှိဖတ်တင်ပါ။
• ပြီးလျှင် နယ်ထားသောထမင်းကို ဖြန့်လိုက်ပါ။

• ပြီးမှ အစာများအားလုံးကို ထမင်းလိပ်အလယ်လောက်နေရာမှတင်ပြီး မရောနိစ်ကို အပေါ်ဆုံးမှတင်ပါ။
• ပြီးလျှင် ကိုယ့်ဘက်ကနေ စ၍လိပ်ပါ။ ကျစ်ကျစ်လေး လိပ်ပေးပါ။
• ထမင်းလိပ်တစ်လိပ်ကို ၈ ပိုင်းလောက်ရပါတယ်။လှီးမယ့်ဓားကို ရေစိုအ၀တ်လေးနဲ့ ပွတ်သပ်ပေးပါ။

ရလာပြီဆိုရင် ကြိုက်နှစ်သက်ရာ ပုံစံမျိုးလေး ပြင်ပြီးစားသုံးနိုင်ပါတယ်။