အိမ်ရာဖြစ်စေ၊ တိုက်ခန်းဖြစ်စေ မိမိနေထိုင်ဖို့ ဝယ်ယူတဲ့အခါမှာ ငွေအလုံးအရင်း မပေးချင်လို့ ပုဂ္ဂလိက ဘဏ်ကနေ အရစ်ကျနဲ့ ချေးငွေရယူပြီး တိုက်ခန်းဝယ်ယူချင်တယ်ဆိုရင် ဘာတွေသိထားသင့်လဲ ဆိုတာကို ဒီကနေ့မှာ ပြောပြပေးသွားချင်ပါတယ်။ 

အိမ်ရာချေးငွေ လျှောက်တဲ့အခါ လူပုဂ္ဂိုလ် အမျိုးအစားအပေါ် မူတည်ပြီး (၂)မျိုး ကွဲပြားပါတယ်။ ချေးငွေယူမယ့်သူက လခစားဝန်ထမ်း ဖြစ်မယ်ဆိုရင် လိုအပ်မယ့် စာရွက်စာတမ်းတွေက … 

• မှတ်ပုံတင် မိတ္တူ (မူရင်းပြရမည်) 
• ပတ်စ်ပို့ မိတ္တူ (ရှိလျှင်) 
• ဓာတ်ပုံ (ပတ်စ်ပို့ အရွယ်အစား) 
• သန်းခေါင်စာရင်း မိတ္တူ (မူရင်းပြရမည်) 
• ရပ်ကွက်နေထိုင်ကြောင်း ထောက်ခံစာ 
• စရံပေးစာချုပ် မိတ္တူ (မူရင်းပြရမည်) 
• သက်ဆိုင်ရာ ကုမ္ပဏီ၊ ဌာန၊ လုပ်ငန်းရှင်၏ ထောက်ခံစာ Recommendation Letter (လုပ်သက်၊ ရာထူး၊ လစာ ဖော်ပြပေးရမည်) 
• စာချုပ်ဖြင့် ခန့်အပ်ထားခြင်း ဖြစ်ပါက စာချုပ်မိတ္တူ (မူရင်းပြရမည်) 
• (အထက်ဖော်ပြပါ စာချုပ် သို့မဟုတ် ထောက်ခံစာအား တစ်နှစ်တစ်ကြိမ် ပြန်လည် တောင်ခံရပါမည်) 
• ဝန်ထမ်းကဒ် မိတ္တူ (မူရင်းပြရန်) 
• လစဉ်ဝင်ငွေ ဖော်ပြသည့် Pay Slip (or) Salary Slip (ရှိလျှင်) 
• အခွန်ပြေစာ(Tax Slip) (ရှိလျှင်) 
• Bank Statement (၆လစာ တင်ပြရပါမည်) (Payroll Statement) 

အိမ်ရာ ချေးငွေထုတ်ယူမယ့်သူက ကိုယ်ပိုင်လုပ်ငန်း လုပ်ကိုင်သူ ဖြစ်တယ်ဆိုရင် … 

• မှတ်ပုံတင် မိတ္တူ (မူရင်းပြရမည်) 
• ပတ်စ်ပို့ မိတ္တူ (ရှိလျှင်) 
• ဓာတ်ပုံ (ပတ်စ်ပို့ အရွယ်အစား) 
• သန်းခေါင်စာရင်း မိတ္တူ (မူရင်းပြရမည်) 
• ရပ်ကွက်နေထိုင်ကြောင်း ထောက်ခံစာ 
• စရံပေးစာချုပ် မိတ္တူ (မူရင်းပြရမည်) 
• သက်တမ်းရှိ လုပ်ငန်းလိုင်စင်/ အသက်မွေးဝမ်းကျောင်း လိုင်စင် (ရှိလျှင်) 
• ဘဏ္ဍာရေရှင်းတမ်း (၃)နှစ်စာ (တင်ပြနိုင်လျှင်) 
• Bank Statement (၆)လစာ (ရှိလျှင်) 
• အခွန်ပြေစာ (ရှိလျှင်) 

ချေးငွေကို ကုမ္ပဏီကိုယ်စားပြု အနေနဲ့ ရယူမယ်ဆိုရင်တော့ …

• မှတ်ပုံတင် မိတ္တူ (မူရင်းပြရမည်) 
• ပတ်စ်ပို့ မိတ္တူ (ရှိလျှင်) 
• ဓာတ်ပုံ (ပတ်စ်ပို့ အရွယ်အစား) 
• သန်းခေါင်စာရင်း မိတ္တူ (မူရင်းပြရမည်) 
• ရပ်ကွက်နေထိုင်ကြောင်း ထောက်ခံစာ 
• စရံပေးစာချုပ် မိတ္တူ (မူရင်းပြရမည်) 
• ကုမ္ပဏီမှတ်ပုံတင်လက်မှတ် (သက်တမ်းရှိရမည်) 
• Form VI, Form XXVI,Form E 
• ဒါရိုက်တာအဖွဲ့ အစည်းအဝေး ဆုံးဖြတ်ချက် မှတ်တမ်း (ဘဏ်တွင် Mortgage Loan နှင့်ပတ်သက်သော လက်မှတ်ရေးထိုး ဆောင်ရွက်ခွင့်ရှိသူအား သတ်မှတ်ဖော်ပြရန်နှင့် ဒါရိုက်တာအားလုံး လက်မှတ်ရေးထိုးရန် လိုအပ်ပါသည်။)
• ဘဏ္ဍာရေးရှင်းတမ်း (၃)နှစ်စာ (တင်ပြနိုင်လျှင်) 
• သင်းဖွဲ့စည်းမျဉ်းနှင့် သင်းဖွဲ့မှတ်တမ်း 
• အခွန်ပြေစာ (၃)နှစ်စာ (ရှိလျှင်) 

ချေးငွေရသူတွေ အမေးအများဆုံး မေးခွန်းတစ်ချို့ကိုလည်း ဖော်ပြပေးလိုက်ပါတယ်။

(၁) အိမ်ရာချေးငွေ လျှောက်ထားဖို့ အချိန်ဘယ်လောက် ကြာမလဲ? 

အဖြေ။ ။အနည်းဆုံး အလုပ်လုပ်ရက် (၁၄)ရက်ခန့် ကြာမြင့်နိုင်ပါတယ်။ 

(၂) အိမ်ရာချေးငွေ လျှောက်ထားနိုင်ဖို့ အနည်းဆုံး ငွေကြေးဘယ်လောက် ရှိရမလဲ? 

အဖြေ။ ။သက်ဆိုင်ရာ ဘဏ်အပေါ် မူတည်ပြီး မိမိလိုချင်တဲ့ ချေးငွေပမာဏရဲ့ အနည်းဆုံး 30% ရှိရပါမယ်။ 

(၃) ချေးငွေကို ဘယ်နှနှစ် အရစ်ကျအထိ ရယူနိုင်လဲ? 

အဖြေ။ ။လျှောက်ထားသူရဲ့ ကနေဦးပေးသွင်းငွေ (DownPayment)၊ အသက်နဲ့ လစဉ်ဝင်ငွေ စတာတွေအပေါ် မူတည်ပြီး အိမ်ရာတန်ဖိုးအလိုက် (၃)နှစ်မှ (၁၅)နှစ်အထိ ရယူနိုင်ပါတယ်။ 

(၄) အာမခံပစ္စည်း ပေးဆောင်ဖို့ လိုအပ်လား ?

အဖြေ။ ။၀ယ်ယူမယ့်အိမ်ရာက အာမခံပစ္စည်းဖြစ်တာကြောင့် ထပ်မံပေးဆောင်ဖို့ မလိုပါဘူနော်။ 

(၅) ငွေပြန်ဆပ်ရမယ့်ပုံစံနဲ့ အတိုးနှုန်းထားကို ဘယ်လို သတ်မှတ်ထားလဲ? 

ကနဦးငွေ ပေးသွင်းပြီးတာနဲ့ ကျန်ငွေကို လစဉ်အရစ်ကျ ပြန်ဆပ်ရမှာဖြစ်ပြီး အတိုးနှုန်းကို မြန်မာနိုင်ငံတော် ဗဟိုဘဏ်ရဲ့ သတ်မှတ်ထားတဲ့ အတိုးနှုန်းထားအတိုင်း ကောက်ခံသွားမှာ ဖြစ်ပါတယ်။ 

(ယခု ဖော်ပြချက်များသည် KBZ Bank ကို မေးမြန်းရာမှ ရရှိထားသော အချက်အလက်များ ဖြစ်သည်။)