ရေကူးတာက တစ်ကိုယ်လုံး လှုပ်ရှားနေရတဲ့ လေ့ကျင့်ခန်းဖြစ်တာကြောင့် ကျန်းမာရေးကို အထောက်အကူပြုသလို ရေကူးကန်အတွင်းမှာ လေကျင့်ခန်း လုပ်တာကလည်း စိတ်ဖိစီးမှု လျော့ကျခြင်း၊ ဦးနှောက်ရဲ့ မှတ်ဉာဏ်လုပ်ဆောင်ချက် မြင့်မားခြင်း၊ အဆုတ်အားကောင်းခြင်း၊ နှလုံးသွေးကြောဆိုင်ရာ ကျန်းမာရေးကောင်းခြင်း၊ ကြွက်သားသန်မာခြင်း၊ ကယ်လိုရီလောင်ကျွမ်းပြီး အဆီကျခြင်း စတဲ့ ကျန်းမာရေးအကျိုးကျေးဇူးတွေကို ရရှိစေပါတယ်။

ဒါကြောင့် အားလပ်ရက်တွေမှာ ရေကူးကန်သွားပြီး ရေကူးဖြစ်တဲ့သူဆိုရင် ရေကူးတာအပြင် ဒီလေ့ကျင့်ခန်းလေးတွေကို လုပ်ကြည့်ပါ။

၁။ လမ်းလျှောက်ပါ

ခါးလောက်ရှိတဲ့ ရေအတိမ်အနက်မှာ လမ်းလျှောက်ပါ။ လမ်းပေါ်မှာ လျှောက်သလိုမျိုး လက်နှစ်ဖက်ကို ဘေးဖက်မှာ ကပ်ထားပါ။ ခြေလှမ်း (၂၀) လောက် ရှေ့ကို လှမ်းပြီးရင် နောက်ကို ခြေလှမ်း (၂၀) ပြန်ဆုတ်ပါ။ ဒီလို ရေကူးကန်ထဲ လမ်းလျှောက်တဲ့ လေ့ကျင့်ခန်းကို ၅ မိနစ်- ၁၀ မိနစ်လောက် လုပ်ကြည့်ပါ။

၂။ ပြေးပါ

ရေကူးကန်မှာ လမ်းလျှောက်ပြီးရင် ပြေးပါ။ ခြေလှမ်းတိုင်းမှာ ရေကို ထိုးခွဲပြီး ပြေးနိုင်အောင် ကြိုးစားပါ။ ရေကူးကန် အစနဲ့အဆုံးကို သုံး/လေးကြော့လောက် ပြေးပါ။ လက်အနေအထားကိုလည်း ပုံမှာ ပြထားတဲ့အတိုင်း ထားပြီး အပြင်မှာ ပြေးသလို ပြေးပါ။

၃။ ကန်ဘောင်ကို ခိုပါ

ရေကူးကန်ဘောင်ကို ခိုပြီး ကိုယ့်ရဲ့ ခန္ဓာကိုယ်ကို အပါ်ဆွဲတင်ပါ။ ရေကူးကန်အောက်ခြေနဲ့ ခြေထောက်လွတ်နေတဲ့ အနေအထားမျိုးမှာ ၃၀ စက္ကန့်လောက်အထိ နေရပါမယ်။

Advertisement

Click Here > Hmwe

၄။ ခြေထောက်တစ်ဖက်တည်းနဲ့ ထောက်ပါ

ခြေထောက်တစ်ဖက်တည်းနဲ့ အားပြုပြီး ရေကူးကန်မှာ ရပ်ပါ။ ညာခြေကို ထောက်ထားရင် ဘယ်ခြေကို မြှောက်ထားရပါမယ်။ နောက်တစ်ခါ ဘယ်ခြေကို ထောက်ပြီး ညာခြေကို ပြန်မြှောက်ပါ။ ဒီလိုမျိုး အခါ (၂၀) လောက် ပြုလုပ်ပေးပါ။ 

၅။ ခုန်ပါ

ခြေထောက်နှစ်ဖက်နဲ့ လက်နှစ်ဖက်ကို ပခုံးနှစ်ဖက်အကွာအဝေးထက် ပိုကွာအောင် ခွဲထားပါ။ ပြီးရင် ခုန်လိုက်ပါ။ ခုန်လိုက်တာနဲ့ ခြေထောက်ရော လက်ရော ပြန်စုပြီးသား ဖြစ်နေရပါမယ်။ ဒါကို ၅ကြိမ်-၁၀ကြိမ်လောက် လုပ်ပေးပါ။ 

၆။ ကတ်ကြေးပုံစံလုပ်ပါ

အရင်ဆုံး ရေကူးကန် နံရံကို ကျောပေးလိုက်ပါ။ ခြေထောက်ကို ရေကူးကန်အောက်မှာ ထားပြီး ကားနိုင်သလောက် ကားပါ။ ပြီးရင် ခြေထောက်နှစ်ဖက်ကို ကြက်ခြေခတ်ပုံစံ ပြန်စိပါ။ ဒီလိုမျိုး အကြိမ် (၂၀) လုပ်ပေးရပါမယ်။ 

၇။ ဒူးနဲ့ကန်ထုတ်ပါ

ရေကူးကန်နံရံကို ကျောပေး မှီလိုက်ပြီး ခြေနှစ်ဖက်ကို စက်ဘီးစီးနေသလို နင်းပါ။ ဒူးကို အပေါ်တင်ကာ ၃၀ စက္ကန့်လောက်နေပြီးရင် ကွေးထားတဲ့ ဒူးကို တည့်တည့်ကန်ထုတ်ပါ။ ဒီလိုမျိုး ခြေထောက်တစ်ဖက်ပြီး တစ်ဖက်ကို အကြိမ် (၂၀) လောက်လုပ်ပါ။ 

၈။ ဖားပုံစံလုပ်ပါ

ရေကူးကန် ဘောင်ပေါ်မှာ မျက်နှာကို လက်နဲ့ အုပ်ပြီး မှောက်ချလိုက်ပါ။ ပြီးရင် ခြေထောက်နှစ်ဖက်ကို ကားနိုင်သလောက် ကားပါ။ ပြီးရင် ခြေထောက်နှစ်ဖက်လုံးကို ပြန်ကွေးတင်ပါ။ 

၉။ လက်နောက်ပြန်ပစ်ပါ

ရင်ဘက်လောက်ရှိတဲ့ ရေကန်ထဲမှာ တံတောင်ဆစ်ကို ခန္ဓာကိုယ်နဲ့ ကပ်ပြီး ၉၀ ဒီဂရီ အနေအထား လုပ်ထားပါ။ ပြီးရင် လက်နှစ်ဖက်ကို ဖြောင့်တန်းနေအောင် ဆန့်ထုတ်ပြီး အနောက်ပို့ပါ။

၁၀။ ပွေ့ဖက်ပါ

လက်နှစ်ဖက်ကို ဘေးနှစ်ဖက်သို့ ဖြောင့်တန်းနေအောင် ဆန့်ထားလိုက်ပါ။ ပြီးရင် သစ်ပင်အကြီးကြီးတစ်ပင်ကို ပွေ့ဖက်လိုက်သလိုမျိုး ရင်ဘတ်အရှေ့မှာ လက်ထိပ်လေးတွေ လာစုံပါ။ ဒီလိုမျိုး ဆန့်တန်းလိုက် ကွေးလိုက်ကို ခဏခဏ လုပ်ပေးပါ။